O novo filme de directora Manane Rodríguez, Onde máis doe (Xamalu Filmes, 2022), xa está nas salas galegas. Estreouse o pasado 26 de maio e continuará toda esta semana nos cinemas Cantóns da Coruña. A obra é un documental sobre a violencia vicaria que está centrado no vitimario.
"Eludimos a reportaxe lacrimóxena habitual que adoita revitimizar á vítima", recoñece a realizadora uruguaia nun comunicado.
Nesta obra interveñen, Luz Darriba, Montse Fajardo e Paz Figueiras, ademais dalgúns profesionais que traballaron no caso real, e conta coa música do compositor Nani García. A obra rodouse en galego na súa versión orixinal, ademais de contar con exteriores situados integramente na Galiza como A Coruña, Cerceda, Santiago de Compostela e Pontevedra.
"É unha película sobre a violencia de xénero que pretende estar nas antípodas do tratamento sensacionalista co que adoitan tratarse estes dramas", afirma Rodríguez.
A historia que relata o documental é a de Marcos M. que, após anos de ameazas á súa exparella, asasina a golpes de pá ao seu fillo de once anos.
Longa traxectoria cinematográfica
Directora, guionista e productora, Manane Rodríguez nace en Montevideo, mais a súa carreira cinematográfica ten lugar na Galiza. En 1994 funda, xunto a Xavier Bermúdez, a produtora Xamalú Filmes.
En 1996 dirixe a súa primeira largometraxe, Retrato de mujer con hombre al fondo; al que siguen la coproducción con Argentina, Los pasos perdidos, (2001); Un cuento para Olivia (2006); Un ajuste de cuentas (2009); Memorias rotas (2010) e a coprodución hispano-uruguaia, Migas de pan (2016), seleccionada por Uruguai para representalo nos Óscar de 2017.
