O Castelo de Soutomaior. Arte, historia e natureza

Achegámonos a Soutomaior por coñecer o castelo e, sobre todo, por coñecer e pasear polos seus coidados xardíns que acollen unha gran diversidade de especies botánicas entre as que se atopan árbores únicas, polas súas características e o seu desenvolvemento, (algunhas incluídas no Catálogo de Árbores Senlleiras da Xunta de Galiza) nas que destaca unha fermosa e variada colección de camelias (máis de 300 exemplares dunhas 25 especies, e numerosos cultivares), as coníferas (abetos, alciprestes, araucarias, calocedros... e, sobre todo, a monumental secuoia vermella de tres toros con case dez metros de perímetro).