A Xunta declara alerta laranxa nas zonas de litoral do oeste da Galiza

A Dirección Xeral de Emerxencias e Interior da Vicepresidencia Primeira da Xunta da Galiza activou a alerta laranxa para esta cuarta feira por temporal costeiro nas zonas litorais do oeste do país. Por este motivo, e co fin de garantir a seguridade dos bens e das persoas, Emerxencias, a través do 112 Galiza, informou da situación aos Concellos afectados, ás Deputacións, aos servizos e agrupacións de voluntarios de Protección Civil e aos clubs náuticos, entre outros. Ante esta situación, a Xunta lembra a importancia de manterse afastado da liña de costa: diques, rompentes e paseos marítimos. Tamén de extremar as medidas de seguridade á hora de realizar calquera actividade no mar.