A Xunta atribúe o derrubamento de parte da ponte de Xunqueira de Espadanedo a "un defecto de construción"

A Xunta da Galiza atribuíu esta quinta feira o derrubamento de parte da ponte de Xunqueira de Espadanedo (comarca de Allariz-Maceda) na OU-536 a "un defecto de construción" desta infraestrutura levantada no século XIX. Así o fixo o Goberno galego, titular da estrada, a pesar de que a veciñanza do municipio levaba advertindo durante meses da inseguridade derivada dos problemas de inestabilidade que padecía esta ponte.