Salvamento Marítimo rescata un pesqueiro cun fallo no motor nas illas Sisargas
02 de outubro de 2023 (18:59 h.)
Salvamento Marítimo prestou auxilio esta segunda feira a un pesqueiro que se atopaba en problemas ao sur das Illas Sisargas, na costa noroeste galega. Foi o propio barco, con dúas persoas a bordo, o que pediu axuda a Salvamento Marítimo, despois de que o motor parase e non arrincase. Até a zona onde se produciron os feitos mobilizouse á LS Bianca, de Cruz Vermella, que remolcou a embarcación até o porto de Malpica.