![Nós Diario](/media/nosdiario/images/2023/01/10/2023011017211925549.png)
Redacción
29/nov./23 - 11:40
Actualizado: 29/nov./23 - 11:40
Amigas da Terra, Amnistía Internacional, Ecoloxistas en Acción, Greenpeace e Verdegaia esixen ao alcalde por carta que a cidade olívica sume esforzos para frear o quecemento global. As organizacións despregaron unha faixa para demandar un plan plurianual de acción municipal sobre a crise climática e unha canle de diálogo permanente entre o concello e a cidadanía. Tamén presentaron un decálogo de propostas de adaptación e mitigación da mudanza do clima, medidas de ámbito local e que, segundo as ONGs, requieren máis ca nada vontade política.