O Premio Marcelino Liste recoñecerá iniciativas que contribúan á xustiza e á liberdade social

A Agrupación Cultural Alexandre Bóveda e a Deputación da Coruña presentaron a cuarta edición do Premio Marcelino Liste Xustiza e Liberdade, que regresa logo dun paro provocado pola pandemia da Covid-19. O galardón ten como obxectivo recoñecer proxectos que contribúan á xustiza e á liberdade social, así como pór en valor a figura de Marcelino Liste, párroco comprometido coa mellora das condicións de vida da xente.