Morre un motorista e tres persoas resultan feridas tras un choque frontal entre coche e moto en Coruxo (Vigo)
Un motorista morreu e outras tres persoas resultaron feridas tras o choque frontal entre unha motocicleta e un coche na PO-325, en Coruxo (Vigo), segundo informou o servizo de Emerxencias 112 de Galicia. O accidente produciuse na noite desta quinta feira e até o lugar desprazáronse efectivos de Urxencias Sanitarias de Galicia-061, Bombeiros de Vigo, Garda Civil de Tráfico e Policía Local.
