A Fiscalía pide nove meses de prisión para un vigués que posuía pornografía infantil

Un vigués enfróntase a nove meses e medio de prisión por estar acusado dun delito de posesión e acceso a material pornográfico infantil ao dispor de vídeos sexuais de menores no seu teléfono móbil. A vista levarase a cabo esta terza feira, día 12 de decembro, no Xulgado do Penal número 2 de Vigo e para el Fiscalía solicita, ademais da pena de cárcere, unha inhabilitación para calquera profesión que conleve contacto regular con menores de idade durante polo menos tres anos. Segundo explica o Ministerio público no seu escrito de acusación, os feitos remóntanse a maio de 2019, cando o home se conectou a unha páxina web na que se exhibían arquivos pedófilos, centrados especialmente en prácticas BDSM, nos que os menores eran sometidos a actos sexuais con adultos.