Desmantelada unha plantación de marihuana en pleno casco urbano de Marín

A policía desmantelou unha plantación de marihuana que un veciño de Marín tiña no seu domicilio, polo que que se logrou desactivar un punto de cultivo e distribución de estupefacientes e deter o responsábel como presunto autor dun delito contra a saúde pública. O autor dos feitos, un home de 46 anos, convertera o seu piso, un ático dun céntrico edificio da vila, nunha auténtica "factoría verde" do cultivo de plantas de marihuana, segundo o corpo policial. Na comisaría de Marín recibíronse días antes da intervención unha serie de informacións sobre a posíbel actividade ilícita desenvolvida por este individuo, polo que os axentes iniciaron xestións de investigación.