A Democracia Ourensá de Xácome non concorrerá ás eleccións estatais

Democracia Ourensá, o partido do alcalde en funcións de Ourense, Gonzalo Pérez Xácome, non concorrerá ás eleccións estatais do próximo 23 de xullo. Nun comunicado, a formación sinala que, igual que xa sucedera en convocatorias anteriores, deixará pasar de longo estes comicios. Aliás, non pedirá o voto para ningún outro partido, malia que aposta por que gañe "aquela formación que máis defenda os intereses de Ourense" ao considerar que "é, por desgraza, a eterna cincenta". A formación de Xácome non concorreu tampouco ás eleccións galegas do 2020 após acordalo co PP, que o investiu alcalde.