Bodegas Martín Códax aposta polo Ribeiro coas ancestrais vides da cooperativa de Beade

Bodegas Martín Códax apostou onte pola Denominación de Orixe Ribeiro, pondo en valor a viticultura tradicional que "desempeñan, de forma excelente, os viticultores nas mellores e ancestrais vides do Val do Avia". A nova sociedade está formada pola Cooperativa de San Roque de Beade, que achega o inmobilizado, e conta tamén coa participación da entidade pública galega de capital risco XesGalicia e Bodegas Martín Códax que, aposta polo Ribeiro para desenvolver un novo proxecto baseado na viticultura tradicional da zona. “En Bodegas Martín Códax somos viticultores e por isto apostamos fortemente por este proxecto. A Cooperativa de Beade conta con moitas das mellores vides ancestrais da zona", resaltaron desde a empresa.