Armando Ojea, tenente de alcalde de Ourense, será o candidato de Democracia Ourensá á presidencia da Xunta

O tenente alcalde do Concello de Ourense, Armando Ojea, encabezará a candidatura de Democracia Ourensá (DO) nas "inminentes" eleccións 2024 ao Parlamento da Galiza, pola única provincia que concorrerá o partido, a de Ourense. Armando Ojea Bouzo exerceu de profesor de física e é un dos fundadores do partido de Gonzalo Pérez Xácome e actualmente é concelleiro e deputado provincial. Armando Ojea, un dos principais ideólogos de DO, canda Xácome constituíu "un binomio sen o que non se entendería Democracia Ourensá". "Non hai mellor candidato para defender en Santiago os intereses de Ourense", remarcou a formación, que informou a través dun comunicado desta elección.