13 para o 13 (corpos estraños)
06 de xaneiro de 2013 (03:32 h.)
I. Habito no reino de España como nun cuarto de hotel onde non me agrada a decoración.II. Lección de cidadanía: ser tan bo veciño como pésimo súbdito.III. A tauromaquia leva séculos a cichar sangue polo belfo.IV. Do exército, só resultan heroicos os desertores.V. A economía fai medrar o balance de eufemismos.VI.
I. Habito no reino de España como nun cuarto de hotel onde non me agrada a decoración.
II. Lección de cidadanía: ser tan bo veciño como pésimo súbdito.
III. A tauromaquia leva séculos a cichar sangue polo belfo.
IV. Do exército, só resultan heroicos os desertores.
V. A economía fai medrar o balance de eufemismos.
VI. Entidades bancarias, cámaras frigoríficas.
VII. Todo Poder exhala Flatulencia.
VIII. O fascismo planta eucaliptos.
IX. Feminismo é fenda; machismo, ferrollo.
X. A lingua é un monte queimado.
XI. A verdade pode ser oblicua, pero nunca neutra.
XII. Ter fe en todas as lecturas, agás nas lecturas de fe.
XIII. As bandeiras pasan; a terra negra, non.