Uvas tintas

Tintureira: que tingue Sampayolo garnacha tintureira 2019 / DO Valdeorras / Javier García / 9 euros As uvas tintas teñen a pel escura, mais por dentro a polpa é branca. Todas? Non. As variedades tintureiras son a excepción. Tamén teñen cor onde gardan a auga e déixanche as mans tinguidas cando as colles. A garnacha tintureira ou alicante, achega viños de cor intensa, tintos escuros, distintivos polo carácter potente e fresco. De boca chea e lembranzas a froitos negros. Javier García cultívaa en viñas pequenas das ladeiras de Valdeorras. E sen usar herbicidas. Próbao cos teus pratos de culler, carnes e mesmo sobremesas de inverno. Saúde e terra. Premiado como Mellor Tinto de Galiza Prómine Singular 2019 / DO Ribeira Sacra / Adega Petrón / 15 euros A última edición oficial da Cata dos Viños da Galiza converteuno no Mellor Tinto de entre os presentados a concurso. Non estamos diante dun viño con crianza. A singularidade está na selección das uvas: as cepas máis vellas das viñas con maior maduración á beira do Sil, onde a Ribeira Sacra colle prestado o nome á parroquia de Amandi. Só mencía, desconcertante e contraditoria. Certamente singular. Próbao unha vez e xulga ti mesma. Podes conseguilo este mes no club de viños de www.videvide.net, cun 10% de desconto e xunto con outro tinto premiado.