Cepas vellas

Barro avanza e destaca nos seus viños Hoxe achegámonos a Barro, porta de entrada interior ao Val do Salnés, onde resisten cepas de albariño de padrón directo (variedade plantada directamente, sen enxertar) e mesmo prefiloxéricas (cepas centenarias que sobreviviron á praga da filoxera). Con uvas de cepas vellas de padrón directo da aldea de Perdecanai elabórase este branco vendimado en 2018 e embotellado en 2020. Unha crianza de dous anos con paso por barricas de 300 litros de madeira de acacia. Detrás do éxito do espumante Gorgola, veñen brancos secos e tranquilos de gran expresión. Valouta / 2018 / DO Rías Baixas / Cabana das Bolboretas / 23€ Castes tintas de colleiteiro Por enriba de 20 euros non é de diario para a maioría. Xa. Mais paga a pena atender ás gamas medias e altas das adegas que che gustan. As túas ocasións especiais e agasallos ben merecerán esas notas máis complexas. Aí atoparás novas variedades minoritarias, elaboracións diferentes, viñas exclusivas, producións moi reducidas ou, coma neste caso, cepas vellas. Procede de uvas seleccionadas das viñas máis antigas desta coñecida adega de Valdeorras, emblemática na recuperación da variedade de uva godello. Con corpo e completo, para que che guste máis. Godeval Cepas Vellas / 2020 /DO Valdeorras / Adega Godeval / 23€