Branco e tinto... para todos os gustos!

Un branco especial e moi accesíbel Un viño modelo para acompañar calquera dos pratos suxeridos esta semana. A variedade albariño adoita ir acompañada de notas aromáticas de mazá. Contra algunhas crenzas, os brancos axúdannos a gozar máis dunha ampla gama de queixos. E a acidez natural ben integrada dun viño costeiro atlántico soporta e limpa mellor o impacto de notas gastronómicas de vinagre ou especias que nos proporciona, por exemplo, un escabeche. Uvas do Salnés e 100% albariño procedentes de viñas en conversión a ecolóxico. Un branco que permite probar complexidade a bo prezo. Arcán 2018 / DO Rías Baixas / Adega Pombal A Lanzada / 10 euros Máis boas novas para os tintos atlánticos Se es de non desaproveitar a ocasión para abrir un tinto, recomendaremos os primeiros froitos deste proxecto colectivo do viticultor Joaquín Álvarez (recuperador da variedade castañal), o enólogo Dominique Roujou de Boubée e Adega do Vimbio. Teimosía é toda unha declaración de intencións de elaborar tintos atlánticos de calidade. Combina as variedades caíño tinto, castañal e sousón, nunha elaboración con lévedos autóctonos na busca da autenticidade, e nunha crianza parcial de 10 meses en barricas de carballo francés e en inox. Próbao, hai pouco. Teimosía 2017 / O Rosal fóra de D.O. / Quin, Martín Crusat e Dominique Roujou de Boubée / 17 euros