Unha aposta xuvenil polo rural

Unha aposta xuvenil polo rural Cume do Avia é un proxecto cooperativo con xermolo nunha asociación xuvenil e nunha concentración parcelaria. Unha iniciativa colectiva da mocidade no rural que hoxe representa a recuperación e uso produtivo do lugar de Eira de Mouros (Ribadavia) con 9 hectáreas de viñas. Empezaron a andar en 2005 co proxecto, mais a súa colleita nº 7 é a do 2019. O tempo de facer as cousas ben. Definen os seus viños como “atlánticos do interior”, unha interesantísima declaración. O equilibrio do Ribeiro nun plurivarietal con treixadura, godello, albariño e loureira. Colleita nº7 branco 2019 / Ribeiro fóra de DO / Cume do Avia 7 /15€ 100% ecolóxico desde o principio Seguimos con Cume do Avia. Lanzáronse decididamente a unha viticultura ecolóxica desde o minuto cero: cubertas vexetais, abonos e compost ecolóxicos, xofre, estratos hidroalcólicos… Asumiron os riscos, padecéronos e non se arrepinten. Buscaron variedade de solos e de altitudes. Buscaron diversidade nunha ducia de variedades de uva brancas e tintas. Buscaron elaboracións tradicionais pouco intervencionistas. Sousón, brancellao e caíño longo en cubas vellas de castiñeiro, para máis tradición do Ribeiro. Miran o val do Avia desde o cumio do monte. Colleita nº7 tinto 2019 / Ribeiro fóra de DO / Cume do Avia / 15€