O vento supera os 111 km/h en Viveiro e as choivas deixan máis de 120 l/m2 en Boiro

O vento superou hoxe os 111 quilómetros por hora no concello de Viveiro (comarca da Mariña), mentres que as choivas acumularon máis de 120 litros por metro cadrado na localidade de Boiro, no Barbanza.

Segundo os rexistros de Meteogalicia até as 13,30 horas desta cuarta feira, recollidos por Europa Press, os refachos de vento máis significativos, nunha xornada con aviso amarelo no noroeste da Coruña e A Mariña, corresponderon a Viveiro, con 111,9 quilómetros por hora; Cedeira, con 107,5 km/h; e Cuntis, con 93,7. En zonas de montaña, o vento deixou refachos de intensidade máxima de 91,9 quilómetros por hora en Carballeda de Valdeorras e de 74,5 km/h en Manzaneda, na mesma provincia.

Pola súa banda, as precipitacións acumularon 100,2 litros por metro cadrado en Boiro; 72,2 en Poio; 71,7 en Lousame; 61,8 en Rois; e 58,7 en Caldas de Reis (Pontevedra).

A suba dos caudais en ríos das concas de Galiz-Costa levou a activar o Plan Especial por Risco de Inundacións (Inungal) da Xunta nunha xornada con aviso amarelo por precipitacións nas provincias da Coruña e Pontevedra.

En concreto, fontes do 112 Galicia concretaron a Europa Press que é nas concas dos ríos Xallas, Umia e Verdugo "onde se poden superar os caudais", polo que se activou o Plan Inungal "en fase de alerta".