A veciñanza de Parga volve á carga pola reapertura do centro de saúde
Fechou hai dous anos co inicio da pandemia da Covid.
Veciñanza de Parga, no concello de Guitiriz, na comarca da Terra Chá, mobilizarase para reclamar que reabra o centro de saúde que leva fechado desde que conezou a pandemia pola Covid-19 hai dous anos.
Os veciños a través da Plataforma ‘Parga non se divide’ volverán protestar, xa o fixeron cando se pechou, porque argumentan que a caída de contaxios por Covid é xa unha "realidade" e non ten sentido manter fechada dita instalación e que teñan que desprazarse ao Punto de Atención Continuada (PAC) de Guitiriz.
Un dos portavoces deste colectivo, Alfonso Losada, avanzou que "pensan" en volver saír á rúa e lembra que "durante preto dun ano xa nos estivemos mobilizando".
"A situación de gravidade que había pola pandemia foi decaendo. Todas as desculpas que nos deron para o feche médico era derivado da pandemia", incidiu. Unha vez superado o "máis grave", Losada advertiu con volver ás "mobilizacións" se finalmente o Sergas mantén esta situación de feche do centro de saúde.
No centro traballan dous médicos e unha ATS que vai dous días por semana, pero só "a facer extraccións". Nesta parroquia de Guitiriz hai censados 1.700 veciños e veciñas.
En xullo de 2020 máis de 500 persoas participaron nunha cadea humana para reclamar ao Sergas a apertura do centro de saúde da parroquia de Parga