A transmisión do virus deixa unha lixeira repunta dos casos novos pero menos infeccións activas
Segundo recolle o último balance da situación epidemiolóxica publicado pola Consellaría de Sanidade na mañá desta sexta feira con datos até as 18 horas desta quinta, o número de persoas diagnosticadas con Covid-19 nun día aumentou a respecto da xornada anterior, aínda que se mantén por baixo do milleiro diario.
En total foron 821 os casos, 197 menos que o pasado día 6. No que vai de semana, Galiza acumula 3.901 novos contaxios fronte aos 4.945 da pasada, un millar menos, cunha media diaria por baixo desa marca.
Do total de novos casos rexistrados, A Coruña suma 287; Vigo, 214; Lugo, 89; Santiago, 71; Pontevedra, 66; Ourense, 48, e Ferrol.
Ademais, a taxa de positividad diaria na contoraa de 10%, aínda lonxe do 5% que sinala a OMS para dar por controlada a pandemia.
Isto significa que a transmisión do virus SARS-CoV-2 continúa e mantense como o factor chave para conter a propagación da Covid.
Hospitalizacións
En canto á situación nos hospitais, Galiza ten sete pacientes máis ingresados cunah PCR positiva que o último día. Son 324, dos que 269 están en unidades de hospitalización convencional e 55 na UCI, catro máis.
Por áreas sanitarias, a presión hospitalaria descende nas da A Coruña, Ferrol, Lugo e Vigo e aumenta nas restantes: Santiago, Ourense e especialmente na de Pontevedra, con cinco doentes máis que a xornada anterior, aínda que se mantén á cola en número de persoas hospitalizadas
Baixan os casos activos
Os casos activos de Covid-19 rexistran un novo descenso. Suman oito días consecutivos de alivio. Así, Galiza conta 15.156 persoas coa infección activa, 390 menos que o día anterior. O descenso é máis pronunciado se se comparan cos datos de hai unha semana, cando o conxunto do territorio sumaba 3.000 casos activos máis.
Por áreas sanitarias, o descenso afecta ás sete: Vigo (-95), Ourense (-91), Lugo (-91), Santiago (-59), Ferrol (-29), Pontevedra (-16) e A Coruña (-9).
A área da Coruña mantense á cabeza, con máis infeccións activas, 4.495; seguida da de Vigo, con 3.715; Pontevedra, con 1.809; Lugo, con 1.585; Santiago, con 1.555; Ourense, con 1.029, e Ferrol, con 968.
Falecementos
As persoas falecidas diagnosticadas con Covid-19 na Galiza ascenden a 2.508 despois de notificar Sanidade outras catro vítimas mortais.