Treme a terra na Galiza: cinco terremotos en tres días

O territorio galego rexistrou desde o pasado sábado cinco pequenos terremotos con epicentro nas localidades de Muros, Tiacastela, Becerreá, Trasmirás e Soutomaior. Esta pasada segunda feira, día 20 de marzo, o Instituto Xeográfico Nacional (IXN) notificou un tremor na costa de Muros ás 21.15 horas. O movemento sísmico tivo unha intensidade de 2,6 na escala de Richter a unha profundidade de tres quilómetros.

Unhas horas antes, contra as 13.53 horas da segunda feira, tivo lugar outro pequeno terremoto na localidade de Triacastela (comarca de Sarria). Estoutro sismo alcanzou, en concreto, unha magnitude de 2,4.

Ás 23,28 horas do domingo houbo outro movemento da terra en Trasmirás (A Limia), cunha magnitude de 1,9 e até dez quilómetros de profundidade.

Aliás, ás 11.26 horas rexistrouse en Soutomaior, na comarca de Vigo, rexistrouse un tremor de 1,7 na escala de Richter, a doce quilómetros de profundidade.

O primeiro deles produciuse ás 22.01 do sábado en Becerreá (Os Ancares), cunha magnitude de 2,0 na na escala de Richter e unha profundidade de oito quilómetros.