A selectividade segue en pé na Mariña a pesar do feche da comarca

As probas de selectividade previstas na Mariña continúan en pé pese ao peche que afectará no próximos cinco días aos 14 concellos do seu distrito sanitario, debido a que "se respectarán as medidas de seguridade necesarias", explicou o conselleiro de  Sanidade, Jesús Vázquez Almuiña

Na rolda de prensa na que deu a coñecer as restricións, Almuiña explicou que os exames se fan en Viveiro e que existe un protocolo previo elaborado pola  Universidade de Santiago de Compostela (USC) que foi valorado pola Dirección  Xeral de  Saúde Pública e que se vai a "reforzar".

"Non haberá problema e vanse realizar", manifestou sobre as probas, que a crise sanitaria obrigou este ano a atrasar e que se celebrará entre o 7 e o 9 de xullo no caso da Comunidade galega.

"En Viveiro -engadiu- a instalación é boa, hai distancia de seguridade e todas as medidas que se pediron". En calquera caso, o conselleiro indicou que pediu á alcaldesa de Viveiro que se impidan celebracións "multitudinarias" ao acabar os exames porque "aí está o risco". "Hai que procurar que as celebracións sexan en grupos reducidos", indicou.