Seguimos na mesma, e os lumes á volta
Quen fora director xeral de Montes da Consellaría do Medio Rural na etapa do Goberno bipartito, Alberte Blanco Casal, debulla para Sermos Galiza o contido do PLADIGA 2018, que vén de ser presentado no Parlamento galego. Blanco Casal tamén é o coordinador do libro O monte galego. Caos ou aproveitamento multinacional?, editado por Sermos Galiza en 2017. Eis un extracto da peza publicada no número 294 de Sermos Galiza.
As propostas
Argumentei que se as medidas aplicadas naquela altura foran quen de producir semellante punto de inflexión o lóxico sería mantelas ou volvelas recuperar, á vista da tendencia negativa dos lumes nos últimos anos. Sobre todo, despois de observar unha evolución moi preocupante na eficacia do dispositivo, ao dispararse a superficie queimada por lume, como se indica na gráfica que acompaña este texto, ademais do incremento dos grandes incendios (>500 Ha). En consecuencia, avancei ata once medidas que considero indispensables para reorientar con éxito a política de prevención e defensa contra incendios, e que resumo a continuación:
- Primar a vixilancia preventiva con medios de detección fiables (puntos fixos e drons dotados con termocámaras para a vixilancia nas zonas de alto risco, ademais doutros medios complementarios de tipo clásico).
- Realizar convenios cos colectivos de risco (pastores, gandería extensiva, cazadores…) para favorecer a complicidade coa política forestal e diminuír os lumes por este motivo.
[Podes ler a análise íntegra no número 294 de Sermos Galiza, á venda na loxa e nos quiosques]