O Proxecto Ríos bate récords de participación cun milleiro de persoas na limpeza de 53 tramos

“No reconto calculamos que os residuos de tódolos concellos suman máis de 13 toneladas, pero debemos lembrar que o noso principal obxectivo non era este. O voluntariado denuncia que a situación dos nosos ríos debe mudar, e para iso facemos actividades como esta”, explica ADEGA no informe sobre a xornada publicado esta cuarta feira. 

A XII Limpeza Simultánea chegou a 52 concellos de toda Galiza, participarán un total de 75 entidades e 9 concellos, actuaron nun total de 53 treitos de río. Algunha entidades tiveron que adiar a limpeza por mor da choiva caída o domingo. 

“Apareceron moitas rodas de automóbiles e tractor, cristais, un somier, o motor dun coche, unha moto, plásticos de silo, cascallos, ferralla, pilas, electrodomésticos, un sofá, uralitas, un acumulador de auga quente. As toalliñas húmidas volveu ser do lixo máis abundante, e tamén as rodas de coche abundaron en moitos treitos”, detalla ADEGA no comunicado.