ONG piden que as crianzas poidan saír á rúa

O mesmo día que Francia anunciaba que no país galo as garderías e escolas reabrirían "progresivamente" a partir do 11 de maio, diversas ONG facían un chamamento ao Goberno español para que as crianzas "poidan saír á rúa por quendas e con supervisión".

Aldeas Infantiles SOS pide que se dea prioridade "a aqueles menores que se atopen en situacións de maior vulnerabilidade, vivindo nos pisos máis pequenos", xa que "as medidas de confinamento poden provocar nos nenos e nenas problemas de saúde, tanto mental como física".

Nesta liña, Save the Children demanda ao Executivo que, "de cara á flexibilización das medidas", priorice os dereitos das menores, "permitíndolles saír á rúa polo menos 30 minutos", mais polo de agora o ministro de Sanidade, Salvador Illa, afirmou que "non" se autorizará á súa saída e que será "cauteloso" ao respecto.