O'Mega denuncia na Fiscalía a morte dun paciente en Urxencias do CHUS
A delegada de prevención de O'Mega na área de Santiago e médico no Complexo Hospitalario Universitario de Santiago (CHUS), Fátima Nercellas, presentou na Fiscalía unha denuncia pola morte dun paciente no Servizo de Emerxencias do Hospital Clínico o 30 de Xaneiro
Así consta no documento rexistrado na Fiscalía de Santiago, recollido por Europa Press, no que esta facultativa presenta unha "denuncia / solicitude de investigación" contra a dirección do CHUS polos feitos que tiveron lugar o 30 de xaneiro coa morte dun paciente en Urxencias.
Segundo o relato dos feitos que Nercellas fai no documento, ás 17.36 horas de 30 de xaneiro, acudiu este paciente ao que se lle fixo triaxe ás 17.47 horas en enfermaría. "Presenta taquicardia", concreta, mentres que o resto de controis "eran normais". Acudiu a consulta por "dispnea e malestar xeral", ao que engadiu que sufriu "insuficiencia renal e obesidade". A médico denunciante afirma que este paciente foi clasificado en triaxe "como amarelo" e "asignado con prioridade de gravidade". Porén, engadiu, "ao non ter sitio na sala de Urxencias é colocado nun corredor onde se deteriora o seu estado clínico".
Ás 18.50, segundo o informe realizado polao denunciante, "a familia" sinala que "cren que está morto". Entón, pasárono a críticos onde Nercellas, segundo ela, como médico desta unidade, só pode "confirmar que faleceu".
Gravidade
A doutora Nercellas insiste na súa queixa de que o amarelo no triaxe "significa que o médico o tería que ver nun prazo máximo dunha hora". "Polo tanto, debería ter destinado un espazo para que puidese instalarse, controlado por enfermeiras e que o médico de Urxencias puidera acceder a el nunha hora para poder diagnosticalo adecuadamente e atendelo", subliñou no documento presentado na Fiscalía. "É prioridade que o médico o vexa, non colocalo nun corredor", afirma.
Para O'Mega, a "gravidade dos feitos" é que antes de producirse esta morte, a "administración foi advertida da gravidade da situación" polos pacientes no corredor de emerxencia.