Nunca Máis: Cando fomos donos dun tempo
Non é casual que cada vez que se fai memoria do Prestige, daquelas semanas de novembro e decembro de 2002 nas que as institucións desertaron das súas funcións e nas que o pobo se organizou fronte á catástrofe, o discurso oficial pretenda agochar un nome, Nunca Máis, que representou a dignidade e a forza dun país que empezou a mudar a súa historia arredor dunha bandeira tinguida de loito. Publicamos un extracto do recollido no Sermos Galiza 272.
Ese día, o Estado, ocupando simbolicamente o país, ía agochar con cartos a vergoña do seu desleixo. O país moderno, publicitado polos medios como un investimento dez veces maior que o dos Xogos Olímpicos de Barcelona. O que estaba tratando de agochar era o Nunca Máis, “un pobo autoorganizado fronte ao Estado, un pobo en pé, defendendo o noso, cunha enorme potencia, un pobo digno e moi vivo”, di Bieito Lobeira, naquela altura deputado nacionalista no Parlamento galego e un dos portavoces da plataforma. “A reacción veu do impacto brutal de ver mentir as autoridades desde o primeiro día, da frustración diante dunha terríbel secuencia histórica de accidentes e da desesperación da xente do litoral e a resposta do Estado inexistente”, subliña Lobeira.
[Podes ler a información completa no Sermos Galiza 272, á venda na loxa e nos quiosques habituais]