Cinco novos falecementos elevan a 981 as vítimas da Covid-19 na Galiza
Cinco novos falecementos confirmados nas últimas horas elevaron a 981 as vítimas da Covid-19 na Galiza desde o inicio da pandemia sanitaira.
Cinco novos falecementos confirmados nas últimas horas elevaron a 981 as vítimas da Covid-19 na Galiza desde o inicio da pandemia sanitaira.
Un deles correspóndese cunha usuaria da residencia DomusVi Ribadumia, unha muller de 72 anos que estaba ingresada no Hospital do Salnés.
O resto de casos foi o dun home de 76 anos ingresado no Complexo Hospitalario da Coruña, unha muller de 91 no Hospital Virxe da Xunqueira de Cee, e dous homes de 65 e 86 anos ingresados no CHOP e no CHUS, respectivamente.
Con estas cinco vítimas, a Comunidade galega alcanzou o total de 981 falecidos. Esta mesma semana, na pasada segunda feira, rexistrouse o maior número de mortes por coronavirus na denominada segunda onda da pandemia e con cifras que se remontan a principios do mes de abril.
A pasada quinta feira notificouse o maior número de pasamentos nunha mesma xornada desde o comezo da segunda onda (13) e superouse a barreira dos 900 falecementos con coronavirus.
A primeira morte computada no territorio galego na chamada 'nova normalidade' foi a dunha muller o 7 de agosto. Antes diso, a Galiza encadeara preto de dous meses -desde o 10 de xuño- sen decesos relacionados coa pandemia.