Novo incremento de contaxios e da presión hospitalaria
Galiza detectou nas últimas 24 horas 64 casos de coronavirus máis que na xornada anterior, cun aumento da presión hospitalaria debido ao incremento do número de ingresados, 17 persoas máis. A taxa de positividade sitúase en 6,9%.
Así figura no balance de datos da pandemia ofrecidos pola Consellería de Sanidade esta segunda feira. Son agora 353 as persoas hospitalizadas con diagnóstico de Covid-19 no sete áreas sanitarias galegas, fronte ás 336 dos datos facilitados o domingo. Deles, 58 atópanse na UCI, o mesmo número que hai 24 horas.
Por áreas, A Coruña-Cee volve ser a que ten maior número de hospitalizados con coronavirus. Hai nestes momentos 83 ingresados -catro máis- dos que 17 están en UCI -uno menos-.
Após a área coruñesa está a de Santiago-Barbanza, onde permanecen ingresadas 78 persoas con coronavirus -dous máis-, sete delas en críticos -sen cambios-.
En canto á detección de casos, Galiza sumou 277 novos positivos por coronavirus nun día, o que implica un aumento respecto da xornada anterior, un total de 64. Tamén se incrementou o número de PCR, con 5.024 máis realizadas.
A de Santiago-Barbanza volve ser a área que reporta máis contaxios de toda a Galiza, cun total de 70 -dous máis que a xornada previa-. A segunda é a de Vigo, con 51 -13 mái-- e a da Coruña-Cee, con 50 casos, 18 máis con respecto ao día anterior.
En canto aos casos activos -persoas que seguen diagnosticadas de covid-19-, Galiza volve presentar unha baixada. Así, Sanidade contabiliza 5.508, 101 menos que o día anterior.
Santiago mantense como a área con maior número de pacientes con enfermidade activa, un total de 1.347 -cinco máis-. Séguelle Vigo, con 1.177 -49 menos-. Após elas, están Pontevedra-O Salnés, con 866 -30 menos- e A Coruña-Cee, con 860 -13 menos-.
Doutra banda, unha xornada máis continúa en aumento o número de vítimas mortais que deixa a pandemia na Galiza após o falecemento dunha persoa máis, cun total de 1.370 falecidos, segundo a última cifra achegada por Sanidade.