A de Viveiro é a primeira Escola de Idiomas de Galiza con nome específico, e este é un nome de muller: Luz Pozo Garza

A Escola Oficial de Idiomas (EOI) de Viveiro é a primeira de Galiza en nomearse cun nome específico, elixindoademais para iso un nome de muller: o da poeta e membro da Real Academia Galega Luz Pozo Garza. A prppia Pozo garza estivo no acto de cambio de nome

Un cambio que se produce no marco da campaña #NomearnosEnLila que impulsa o Observatorio da Mariña pola Igualdade. “Consideramos o paso dado pola EOI de Viveiro, agora EOI de Viveiro Luz Pozo Garza, como un magnífico exemplo para outras institucións académicas e Escolas de Idiomas do país e que sitúa á EOI de Viveiro na vangarda do feminismo na educación, guiando á xente moza nos camiños da igualdade real entre mulleres e homes”, salientan desde o Observatorio. E aínda fica facer: entre 46 centros de ensino públicos existentes na Mariña, tan só dous centros educativos teñen nome de muller.