Nieves Cabo, compostelá de 82 anos, leva a primeira vacina da Covid-19 na Galiza
Tan só unhas horas despois de que se administrase a primeira vacina no Estado español, a compostelá Nieves Cabo, de 82 anos, converteuse este domingo na primeira galega en recibir a vacina contra a Covid-19.
Foi minutos despois das 11 horas na residencia Porta do Camiño, da que é usuaria, e na que onte realizouse un simulacro por parte da Consellaría de Sanidada para garantir a seguridade de todo o protocolo.
Tras ela, que permaneceu en observación durante media hora e que, segundo as autoridades sanitarias, mostrouse moi contenta, foi a quenda de Xosé Antonio Arcay, traballador da cociña da residencia Porta do Camiño, situada no centro histórico compostelán.
As primeiras 500 doses da vacina entraron en territorio galego pola autoestrada A-52 sobre as 7,20 horas da mañá escoltadas pola Garda Civil. Así, en torno as 10 da mañá, chegaron á capital para a súa posterior distribución ao centro sociosanitario.
Tras as primeiras inoculaciones da vacina, está previsto que o conselleiro de Sanidade, Julio García Comesaña, e a conselleira de Política Social, Fabiola García, fagan unha valoración ao mediodía sobre o inicio da campaña nos exteriores da residencia, na Praza 8 de Marzo.