"Nen maiores nen menores, aborto sen condicións"
14 de abril de 2015 (23:11 h.)
A Plataforma galega polo dereito ao aborto saíu ás rúas para amosar o rexeitamento do movemento feminista á reforma da lei do aborto.
Vigo, A Coruña, Compostela, Ourense e Ferrol acolleron esta terza feira (14 de abril) senllas concentracións contra a reforma da lei do aborto prevista polo Partido Popular e que iniciou a súa tramitación parlamentar no Congreso.
Convocadas pola Plataforma galega polo dereito ao aborto, centos de persoas manifestaron o seu rexeitamento nas rúas. Un feito que vén sucedéndose desde a chegada do Partido Popular ao goberno de Madrid.
Ao berro de 'Aborto libre' desde a Plataforma defenderon o dereito das mulleres a decidiren sobre os seus corpos. "Nen maiores, nen menores", afirmaron, "aborto sen condicións".