Unha muller asasinada e outra ferida grave en dous novos casos de violencia machista
O primeiro agresor foi detido minutos despois en Vitoria, mentres que o segundo quitouse a vida no seu domicilio.
Unha muller de 29 anos foi asasinada polo seu compañeiro sentimental, que foi detido minutos despois en Vitoria; mentres outra muller, de identidade descoñecida, resultou ferida grave tras ser agredida pola súa parella na localidade de Iniesta, na provincia de Cuenca.
Dous novos casos de violencia machista aos que hai que sumar ás cinco vítimas mortais do pasado 30 de marzo.
Os servizos médicos encontraron morta á muller de Vitoria, segundo informa EFE. O presunto asasino recoñeceu os feitos e entregouse a unha patrulla da Ertzaintza. Utilizou un coitelo para cometer o crime.
Mentres, a muller de Cuenca está a ser atendida no Hospital de Albacete, logo de ser atacada cun arma branca, e permanece estable dentro da gravidade. O marido apareceu morto no interior da vivenda que compartían e todo apunta a que se suicidou despois da agresión.