Mil prazas de medicina vacantes en Atención Primaria

As listaxes de agarda non deixan de medrar na Atención Primaria, con tempos de espera que, en boa parte dos centros de saúde, sobre todo das vilas peor dotadas, superan os sete días para unha consulta telefónica ou para conseguir unha receita. As limitacións á atención presencial e a falla de persoal sanitario agravan a situación. Mentres o Executivo galego insiste en darlle continuidade a este modelo máis alá da pandemia, persoas usuarias e persoal sanitario chaman a mobilizarse en defensa dunha sanidade pública de calidade.