Mar de Lumes convoca unha concentración solidaria con Palestina
28 de outubro de 2015 (21:24 h.)
O comité de solidariedade internacionalista chama a se mobilizar en apoio á insurrección xuvenil nos Territorios Ocupados.
Mar de Lumes convoca unha concentración de solidariedade con Palestina esta quinta feira (29 de outubro) ás 20h na Praza de Galiza en Compostela.
O comité de solidariedade internacionalista visa amosar o apoio ao movemento de insurrección xuvenil que se está a erquer en distintos puntos do territorio palestino, principalmente en Cisxordania e os Territorios Ocupados.
A convocatoria está apoiada pola campaña Boicot, Desinvestimentos e Sancións contra Israel (BDS-Galiza) e a Asociación Galiza Por Palestina.