Máis de 2.700 turistas por cada quilómetro da nosa costa
Desa media anual de visitantes, 700 son de fóra do Estado español, un 20% máis que no exercicio anterior.
O número de turistas estranxeiros que Galiza recibe por quilómetros de costa é de 701 segundo o 'Perfil Ambiental de España', que elabora o Ministerio de Agricultura, alimentación y medio ambiente. Un cálculo que o departamento fai computando só aqueles turistas que chegan ás nosas costas desde fóra do Estado español. De realizar o cálculo incluíndo como turistas a todo aquel que nos visita desde alén do Padornelo, o resultado varía: recibimos en 2014 unha media de 2.670 turistas por quilómetro de costa. Naquel exercicio o noso país recibira, segundo datos da propia Xunta, uns catro millóns de visitantes.
O de turistas extranxeiros por Km de costa é un dos indicadores que utilizan no Ministerio. A media está por riba dos 7.000 por quilómetro de litoral, unha cifra moi superior á galega (701). Outro indicador é o de turistas estranxeiros por habitante, unha media que no Estado anda no 1,39 e en Galiza apenas pasa do 0,3. É dicir, un turista extranxeiro por cada tres galegos.