Illados 70 escolares dun colexio de Lugo por un foco de coronavirus

O Colexio Franciscanos de Lugo conta cuns 70 escolares illados por 17 positivos en Covid-19, entre contaxiados e en corentena, despois de se detectar 15 casos entre o alumnado e dúas profesoras contaxiadas, que manteñen tres aulas pechadas.

En declaracións a Europa Press, fontes da dirección deste colexiodetallaron que "case todos" os contaxios de alumnos rexistráronse en "dous grupos" de segundo e sexto de primaria.

Respecto diso, sinalaron que hai en corentena sobre medio ceno de alumnos de segundo de primaria, de dúas clases, e uns 20 de sexto do mesmo nivel educativo, dun grupo.

 Os contactos estreitos dos positivos están "confinados nas súas casas" e "o resto fai vida normal, con especial coidado".

Fontes sanitarias aseguraron a Europa Press que "se fixeron xa todos os cribados necesarios vinculados aos positivos" detectados neste centro, 15 contaxios entre o alumnado e dous docentes. Entre eles, por parte do colexio engadiron que se fixo un nunha aula de "quinto de infantil" na que había un alumno familiar dun positivo de primaria, mais "non apareceu ningún caso máis".

O director deste centro, Rubén Díaz, asegurou a Europa Press que traballan para "limitar" os contaxios para que "non afecten a outros grupos" e procederon a "extremar as medidas", como uso de máscara e ventilación.

Tras estes casos de Covid no centro, o director do colexio apelou á "tranquilidade" dos pais e  nais, porque se seguen as "indicacións de Sanidade" e reforáonse " as medidas".

Neste sentido, resaltou que os contactos estreitos dos positivos están "confinados nas súas casas" e "o resto fai vida normal, con especial coidado".