Un grave accidente dun camión obriga a cortar a A-52 en Ourense
10 de marzo de 2023 (19:38 h.)
Polo momento, a autovía segue cortada e o helicóptero desprazouse por se debe trasladar algunha persoa ferida.
Un accidente grave dun camión obrigou a cortar a autovía A-52 en Ourense, segundo informan fontes da Garda Civil, que sinalan que mesmo un helicóptero se transladou até o lugar.
En concreto, o corte produciuse desde a área da saída de Rante até a primeira saída de Ourense, que é a que coincide co negocio ‘Froitas Raúl’.
O condutor foi evacuado por un helicóptero ao Complexo Hospitalario Universitario de Ourense (CHUO). Inicialmente pensouse que se atopaba moi grave, pero o seu estado de lesións reviste "menos" gravidade, segundo informou a Garda Civil de Ourense.