Galiza, cara aos mil mortos pola Covid

Desde o inicio da pandemia na Galiza contaxiáronse con Covid-19 un total de 42.150 persoas e faleceron 988, delas as últimas sete vítimas foron notificadas por Sanidade na tarde deste domingo, tres delas vinculadas a residencias de maiores.

A primeira morte computada na Galiza na denominada 'nova normalidade' foi a dunha muller o pasado 7 de agosto.

Antes diso, Galiza encadeara case dous meses -desde o 10 de xuño- sen falecementos relacionados coa pandemia. Un de cada catro falecementos está relacionado con usuarios de residencias que faleceron en hospitais ou residencia sintegradas.

Contaxios

Os casos activos de coronavirus Covid-19 volveron a descender por segundo día consecutivo na Galiza após rexistrarse máis altas -486- que contaxios --99, deles 395 confirmados por PCR nas últimas 24 horas- e sitúanse en 10.015.

Aumentan a 605 os pacientes con  Covid hospitalizados, deles 94 en UCI

Así se reflicte nos datos actualizados na mañá de hoxe na web da Consellería de Sanidade con cifras até as 18:00 horas deste domingo, recollidos por Europa Press, dos que se desprende que os positivos confirmados por PCR nas últimas 24 horas ascenden a 108 na área sanitaria da Coruña e Cee, seguida dos 65 na de Pontevedra; 60 na de Lugo; 57 na de Vigo; 51 na de Santiago; 29 na de Ourense e 25 na de Ferrol.

Os casos activos de Covid-19 descenden en todas as áreas sanitarias galegas, agás nas da Coruña e Cee, onde aumentan até os 1.887 -19 máis que este domingo-, e na de Pontevedra e O Salnés, que conta con 1.254 -22 máis-.