Falece un mariñeiro en Terranova a bordo do 'Vila Nores', propiedade da armadora do 'Vila de Pitanxo'

Un mariñeiro faleceu nas últimas horas a bordo do pesqueiro galego Vila Nores, propiedade do Grupo Nores Marín, a empresa armadora do Vila de Pitanxo, que naufragou en febreiro de 2022 en augas de Terranova (Canadá).

Segundo as primeiras informacións, o suceso ocorrería tamén en augas de Terranova, polo que o buque poría rumbo a terra, cara a Saint John's de Terranova, segundo adiantou Faro de Vigo.

Descoñécense as causas

Fontes da Cooperativa de Armadores de Pesca do Porto de Vigo (ARVI) confirmaron o falecemento deste mariñeiro, aínda que polo momento descoñécense as circunstancias do que podería ter acontecido.

Este feito prodúcese pouco máis dun ano despois do afundimento do Vila de Pitanxo, barco xemelgo do Vila Nores, que acabou coa vida de 21 dos 24 mariñeiros que traballaban nel.