Falece un home en Friol ao caerlle unha árbore enriba mentres cortaba madeira
27 de xaneiro de 2023 (10:50 h.)
O 112 Galiza tivo coñecemento do suceso mediante o aviso dos profesionais de Urxencias Sanitarias de Galiza-061.
Un home perdeu a vida en Friol (Lugo) ao caerlle unha árbore enriba mentres cortaba madeira xunto con outra persoa.
O 112 Galiza tivo coñecemento do suceso mediante o aviso dos profesionais de Urxencias Sanitarias de Galiza-061.
Quen alertou ao equipo médico xa advertía da posibilidade de que a persoa estivese falecida.
Confirmaron a morte
O 112 trasladou que cando chegaron os sanitarios xa só puideron confirmar a morte, mentres os axentes da Garda Civil recollían toda a información sobre o acontecido.