Dous asasinatos machistas no Estado nas últimas 24 horas
10 de setembro de 2018 (16:05 h.)
Madrid e o concello asturiano de El Franco son os escenarios dos dous asasinatos machistas perpetrados no Estado español nas últimas 24 horas.
O pasado domingo, un home de 50 anos matou a unha muller de 29, coa que estaba casado. Foi en La Caridad, no concello asturiano de El Franco. Utilizou unha arma branca e despois suicidouse. Dous menores, fillos da parella, atopábanse na vivenda.
Nesta segunda feira, en Madrid, un home de 49 anos foi detido despois de matar de cinco coiteladas a súa ex parella. O suceso ocorreu no distrito madrileño de Villaverde.
No que vai de 2018, 32 mulleres foron asasinadas no Estado español en casos de violencia machista.