Detectado un foco relacionado cun campamento de verán con 13 casos positivos na área de Ferrol

A Consellería de Sanidade identificou un foco relacionado cun campamento de verán con 13 casos positivos na área sanitaria de Ferrol, deles tres corresponden a monitores e dous a menores.

Así o informou a Consellería de Sanidade, que concretou que se trata dun foco identificado na área Sanitaria de Ferrol no 'Campamento de Verán 2020' que organiza a Sociedade Cultural Airiños dos Carrís e o AMPA do colexio Vos Carrís.

Os afectados até o momento ascenden a 13, todos eles en seguimento en domicilio. Tres deles son monitores, dous menores e oito contactos dos anteriores. Non todos os positivos pertencen ao municipio de Cerdido, matizou Sanidade, "senón que se estenden por outros".

Sanidade destacou que "se suspendeu a actividade do campamento". E sinalou que "desde o primeiro momento", a área Sanitaria de Ferrol activou os protocolos de procura de contactos e, engade, "continúa realizándoos ata que se finalice a positividade no rastrexo".

Ademais, Sanidade lembra á poboación a necesidade de corentena de 14 días se foi contacto estreito dun caso positivo, independentemente do resultado do test que se lle practique.