Coronavirus na Galiza: 5.551 persoas contaxiadas, 910 dadas de alta e 297 falecidas
A cifra de persoas infectadas nas residencias supera as 1.100.
O número de casos de coronavirus na Galiza ascende esta quinta feira a 5.551, segundo a Consellaría de Sanidade. Deles, 1.148 corresponden á área da Coruña, 563 da de Lugo, 1.041 da de Ourense, 470 da de Pontevedra, 1.069 da área de Vigo, 939 da de Santiago, e 321 da de Ferrol.
Do total de pacientes positivos, 154 permanecen en UCI, unha cigtfra que vai minguando aos poucos nestes últimos días, mentres que 794 están en unidades de hospitalización e 4.603 no domicilio.
Polo de agora, informa SanidADE, na Galiza rexistráronse 910 altas de pacientes e 297 falecementos.
O número de PCR realizadas é de 36.799.
Datos dos centros residenciais de servizos sociais
Deses 5.551 casos de contaxio na Galiza, 1.166 corresponde ás residencias de anciáns, a gran maioría a usuarias e usuarios (818 contaxiadas), mentres que 348 son traballadores e traballadoras.
Do total de 297 vítimas mortais contabilizadas por Sanidade, 117 teñen a ver coas residencias: 61 faleceron nas propias instalacións destes centros e 56 en hospitais e residencias integradas.
O número de casos de coronavirus detectados en centros residenciais de servizos sociais de Galiza supoñen 3,3% do total das persoas residentes., segundo inciden desde a Xunta
Respecto das 4 persoas falecidas esta terza feria en centros residenciais, 2 foron na residencia DomusVi Cangas, 1 na residencia DomusVi Barreiro (Vigo) e 1 na residencia Moledo (Vigo).
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.