Vilas e cidades galegas reclamarán soberanía fronte á sucesión monárquica
10 de xuño de 2014 (14:59 h.)
Na véspera do debate parlamentar sobre a lei de sucesión, as prazas de vilas e cidades do país están chamadas a se encher "pola soberanía" e a "República de Galiza".
A convocatoria toma parte do calendario de mobilizacións proposto polo BNG e conta co apoio doutras organizacións independentistas e soberanistas como Nós-UP, Causa Galiza ou o Partido Comunista do Pobo Galego (PCPG).
Ao igual que a pasada semana, as concentracións foron convocadas para as 20.00 horas baixo o lema 'Contra a monarquía española. Pola soberanía e a República Galega'.
- Vigo. 20.00 horas. No MARCO
- Lugo. 20.00 horas. Diante da Subdelegación do Goberno
- Ferrol. 20.00 horas. Praza do Himno Galego
- A Coruña. 20.00 horas. Obelisco
- Pontevedra. 20.00 horas. Praza da Peregrina
- Ourense. 20.00 horas. Diante da Subdelegación do Goberno
- Compostela. 20.30 horas. Praza do Toural
- Vilagarcía. 20.30 horas. Praza de Galiza
- Ponteareas. 20.00 horas. Diante da Casa do Concello.