A Xunta fará un seguimento da plantación e aplicará medidas de control

Nove concellos da área afectada pola couza da pataca poderán volver plantar nos días vindeiros

Pataca afectada pola couza guatemalteca
Redacción
11 de xaneiro de 2020 (10:06 h.)
Etiquetas
pataca Xunta da Galiza
A Xunta e o Ministerio de Agricultura, Pesca e Alimentación acordaron nas últimas horas levantar a prohibición de plantar pataca en nove concellos afectados pola couza guatemalteca. O director xeral de Gandaría, Agricultura e Industrias Agroalimentarias, José Balseiros, comunicou esta decisión após reunirse en Madrid con Valentín Almansa, director xeral de Sanidad de la Producción Agraria. 

O levantamento da prohibición nestes nove concellos xa fora proposta na última xuntanza da comisión de seguimento da couza guatemalteca da pataca, que tivo lugar o pasado día 11 de decembro en Compostela. Segundo informou a Xunta, naquela reunión constatouse xa unha evolución positiva na redución de capturas en todos os municipios da zona infestada e que nestes nove non se rexistrou ningunha nos últimos dous anos, razón que permite levantar as restricións, de maneira que os concellos pasen de estar en zona "tampón".

O acordo farase efectivo en días vindeiros, unha vez saia publicado no Diario Oficial da Galiza (DOG). Os seus efectos beneficiarán a agricultura dos concellos de Ares, Mugardos, Cabanas, Fene, Ferrol, A Capela e As Pontes de García Rodríguez, Ourol e Abadín.

A información íntegra pode consultala na edición en papel de Nós Diario ou na súa lectura na nube.

Etiquetas
pataca Xunta da Galiza