Unha cheminea dun local de hostalaría en Sanxenxo provoca un incendio que se salda sen danos
04 de agosto de 2023 (09:42 h.)
O incendio declarouse pouco despois das 21 horas da quinta feira na cheminea da Taberna do Náutico, aínda que non revestiu gravidade pese ao fume que podía verse, tamén desde Portonovo.
Un local de hostalaría de Sanxenxo (comarca do Salnés) rexistrou a última hora da quinta feira un incendio nunha cheminea sen que se rexistrasen danos, segundo informou o consistorio.
O incendio declarouse pouco despois das 21 horas na cheminea da Taberna do Náutico, aínda que non revestiu gravidade pese ao fume que podía verse, tamén desde Portonovo.
"O incendio non se propagou, non causou danos materiais de ningún tipo porque a cheminea é de dobre capa", precisaron tamén sobre o sucedido.
“Controlado”
Así, apuntaron que o fogo se foi consumindo en por si até que se extinguiu dentro da cheminea, sendo controlado, con todo, polos servizos de emerxencias.
Ao lugar acudiron, entre outros, Policía Local e Garda Civil.