Os casos activos continúan a aumentar en todas as áreas sanitarias e suman xa 740
As da Coruña (+35) e Vigo (+23) lideran os incrementos.
Setenta novos casos activos nas últimas horas elevan o total dos rexistrados na Galiza a 740. O incrementou produciuse en todas as áreas sanitarias, se ben son as da Coruña e Vigo onde esa subida foi maior.
A área sanitaria coruñesa representa 54% do total de casos activos rexistrados no país e evidencia a preocupante situación da mesma.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus na Galiza é de 740.
Deles 406 son da área da Coruña (35 máis ca onte), 80 da de Lugo (+5), 49 da de Ourense (+3), 45 da de Pontevedra (+1), 108 da área de Vigo (+23), 41 da de Santiago (+1), e 11 da de Ferrol (+2).
Do total de pacientes positivos, 2 están en UCI, 31 en unidades de hospitalización e 707 no domicilio.
Polo de agora, na Galiza hai un total de 11.454 persoas curadas, rexistrándose 621 falecementos.
O número de PCR realizadas é de 266.893.
No que atinxe ás residencias de anciás, hai 5 casos activos, dos que 3 corresponden a persoas usuarias e 2 a traballadores.