O bus, un sector con indicios de corrupción
O mapa do transporte interurbano está baseado nun sistema de concesións en réxime de monopolio que se remonta aos anos 50. O Tribunal Supremo anulou a ampliación durante dez anos de 129 das 144 rutas que cobren o país. A decisión reabre o debate arredor do modelo de autobús que necesitamos, un debate co que abrimos o Sermos Galiza 227, á venda na loxa. Recollemos un extracto da reportaxe.
O Tribunal Supremo estimou o recurso interposto pola Comisión Nacional de la Competencia (CNMC) por ter vulnerado coa prórroga automática o regulamento europeo de 2010. Para o organismo, os prazos estabelecidos eran “absolutamente desproporcionados” e apuntaba a que esta práctica derivou en “oligopolios” que fechan a porta a outras posíbeis empresas. Para eludir a normativa comunitaria, o Goberno de Alberto Núñez Feijóo tramitou unha lei con carácter de urxencia unha semana antes de que esta entrara en vigor.
A reforma foi aprobada cos votos do PP, a abstención do PSdeG e o voto en contra do BNG despois dunha lectura única, sen posibilidade de emendas. O texto tampouco contaba co ditame do Comité Galego de Transportes nin do Consello Económico e Social, nin tampouco se remitiu a outras consellarías. Os grupos da oposición sinalaron xa nese momento importantes dúbidas perante a prórroga. A entón deputada nacionalista Teresa Táboas aseguraba que máis que unha lei de urxencia era de “improvisación e irresponsabilidade”; mentres que o socialista Pablo López definíaa como “chapuza política”.
[Publicamos a reportaxe íntegra no Sermos Galiza 227, xa á venda na loxa]